Amăng tơlơi lăi pơthâo hăng mông jôk atâo, ba glăim ba nao dor tơlang tơleh tơhan pơsăn drơi, yă Y Ngọc, Kơ-iăng Khua Jơnum min mơnuih ƀôn sang tơring čar Kon Tum, Khua Grŭp črâo ba 515 tơring čar, pơtŏng sit: Tơlơi pơsăn drơi mơ̆ng ƀing gơñu hmâo djru tlaih rơngai laih Mơnuih ƀôn sang djop djuai ania Lao ƀơi anăp ƀing ayăt blah sua lŏn ia hăng hơkrŭ glăi lŏn ia Kur amăng rơnuk pơdjai đut djuai sat răm; jing gru pơdah brơi kơ tơlơi dô̆ glăi na nao amăng pran jua hơdôm rơnuk mơ̆ng rim mơnuih Việt Nam ăt kah hăng mơnuih ƀôn sang 2 bôh dêh čar Lao, Kur.

Ngă tui bruă jao hyu hơduah ĕp, tum pơƀut hăng ba glăi tơlang tơleh tơhan pơsăn drơi ƀơi Lao hăng Kur, 6 blan bơyan phang thun 2024-2025, Grŭp K53 tơring čar Kon Tum tum pơƀut tơlang tơleh mơng 26 čô tơhan pơsăn drơi. Amăng anun ƀơi Lao 16 čô tơhan pơsăn drơi (tơring čar Attapư tơlang tơleh 12 čô tơhan pơsăn drơi, tơring čar Chămpasắc 4 čô tơhan pơsăn drơi) hăng ƀơi tơring čar Ratanakiri, Kur tơlang tơleh 10 čô tơhan pơsăn drơi./.