VOV4.Jarai-Amăng hơdôm hrơi giăm tết laih, ƀơi tơring čar Kon Tum, lu boh rơdêh pơgiăng gơnam têt ăt dik dăk, uk ăk rŭi nao pơgiăng gơnam truh pơ 6 boh plơi kual hơkrŭ đưm mơ̆ng ping gah tơring čar Kon Tum ƀơi să Măng Ri, tơring glông Tu Mrông.

Mơnuih ƀôn sang să Măng Ri tŭ mă un, bui ba glăi čuh ƀong mơak têt

Têt thun anai, 145 boh sang anŏ ƀun rin ƀơi să Măng Ri, rĭm boh sang anŏ tơring čar Kon Tum djru 600 rơbâo prăk hăng 28 boh sang anŏ lĕ arăng djru 300 rơbâo prăk ƀong têt.

Rơngiao kơ anun, hơdôm sang anŏ anai dŏ tŭ mă gơnam ƀong tết mơ̆ng lu khul grup, anom bruă sĭ mơdrô hăng phung djru tơlơi khăp pap, rơnoh prăk 500 rơbâo prăk sa anung pơngŏ. Ơi Nguyễn Đình Hồng, kông ty pơčruh ngăn sâm Ngọc Linh Kon Tum brơi thâo, hrom hăng să Măng Ri, ƀơi 5 boh să tơring glông Tu Mrông, hơmâo Tê Xăng, Ngọc Lây, Ngọc Yêu, Đak Na hăng Văn Xuôi, kông ty ƀơk sa boh plơi 2 drơi un pioh čuh ƀong hrơi tết.

Nay Jek: Pơblang