Tơring čar Kon Tum hơmâo pơkă rơnoh akŏ bruă thun hrăm phrâo 2024-2025 hăng anom bruă pơtô hrăm gưl muai, pơtô hrăm lar hăng pơtô hrăm re se. Sa amăng hơdôm tơlơi git gai mơ̆ng tơring čar amăng bruă prăp lui kơ thun hrăm phrâo anăm lui hơmâo tơlơi pơhrui prăk tă tăn hăng ngă tơnap kơ ƀing amĭ ama čơđai sang hră thun hrăm phrâo.Thun hrăm phrâo 2024-2025, tơring čar Kon Tum hơmâo giăm350 boh sang hră gưl muai, sang hră hrăm lar hăng abih bang 160.000 čô čơđai sang hră hăng čơđai muai anet. Thun hrăm anai anom bruă pơtô hăng pơjuăt tơring čar gir run hloh pơtrut abih bang čơđai amăng thun hrăm hră khom nao hrăm hră soh; abih bang čơđai hrăm giong gưl sa, dưi mut hrăm anih 6, abih bang čơđai sang hră gưl sa hrăm sa hrơi mơguah tlam hlao.

Mut thun hrăm phrâo khul khua mua pơ ala mơnuih ƀôn sang tơring čar Kon Tum hơmâo ngă hră pơtrun pơkă rơnoh prăk apah hrăm hră gưl muai, pơtô hrăm amăng sang hră kơnuk kơna thun hrăm 2024-2025. Tui hăng anun, rơnoh prăk apah hrăm hră pơpha jing kual I, II, III. Prăk apah hrăm hră ƀiă hloh lĕ gưl dua ƀơi kual ataih jing kual III, kơnong 19.000 prăk sa čô čơđai sang hră, sa blan, lu hloh lĕ prăk apah hrăm hră gưl muai mầm non hăng gưl klâo ƀơi kual I hăng 52.000 prăk sa čô čơđai sang hră sa blan.