VOV4.Jarai - Hrŏm hăng bruă prap lui kiăng tal pơplông abih anih 12 thun anai pơphun hơđong, tơpă sit, djop gưl hăng gơnong bruă bơdjơ̆ nao amăng tơring čar Kon Tum ăt hơmâo akŏ bruă djru brơi ƀing čơđai sang anŏ tơnap tap. Yap truh hrơi anai, abih bang rơbêh 4.700 čô čơđai amăng tơring čar Kon Tum nao pơplông abih anih 12 thun anai, hơmâo rơbêh 1.200 čô čơđai hơmâo anăn arăng djru brơi rĭm čô 314.000 prăk. Rơnoh prăk djru brơi ƀing čơđai yua Jơnum min mơnuih ƀon sang hơdôm tơring glông hăng Khul pơsur hrăm hră plơi prong Kon Tum jak iâu gum pơgôp.

Grup rơdêh thut mơng hlăk ai Kon Tum djru pơgiăn čơđai nao pơplông abih anih 12 thun 2022

Ƀing čơđai arăng djru lĕ mơnuih djuai ania ƀiă ƀudah sang anŏ ƀun rin, čơđai drit druai amăng 28 boh sang hră amăng tơring čar. hrŏm hăng djru kơ prăk kak, hlâo hăng amăng hơdôm hrơi pơplông abih anih 12, djop gưl hăng gơnong bruă bơdjơ̆ nao amăng tơring čar Kon Tum ăt hơmâo akŏ bruă djru brơi ƀong čơđai tơnap tap. Khul hlăk ai tơring čar Kon Tum brơi thâo, hlăk ai Kon Tum glăk prap lui tong ten kiăng kơ ngă klă bruă “Gum djru amăng hrơi pơplông” ƀơi 12 abih pơphun sit nik hăng 9 anih prap lui.

Siu Đoan: Pơblang