Tui sem lăng mơng Khul sĭ mơdrô hăng tuh tia pơkra pơjing Việt Nam, bruă pơplih ngă hră pơ-ar, pơplih tuh pơ alin bơwih ƀong sĭ mơdrô tơring čar Kon Tum hơmâo lu tơlơi dưi. Yôm hloh lĕ mrô bơkơtưn gưl tơring čar đĭ 24 dong 37 amăng 63 boh tơring čar, ƀôn prong. Mrô mơtah gưl tơring čar dong 26 amăng 63 boh tơring čar, ƀôn prong; mrô pơplih ngă hră pơ-ar đĭ 4 wŏt dong 55 amăng 63 boh tơring čar, ƀôn prong….

Pơsit tong pơplih ngă hră pơ-ar, pơplih tuh pơ alin bơwih ƀong sĭ mơdrô lĕ hơdră phrâo, akŏ phun kiăng ngă pơgiong hơnong pơkă  amăng pơđĭ kyar bơwih ƀong huă- mơnuih mơnam rơwang thun 2020-2025, amăng mông jơnum ơi Lê Ngọc Tuấn, Khua Jơnum min mơnuih ƀon sang tơring čar Kon Tum pok pơhai 6 grup bruă kiăng pơsir hơdôm anŏ aka ƀu klă, amăng anun đing nao pơplih bruă djru mơnuih ƀon sang, anom bơwih ƀong sĭ mơdrô; hrưn đĭ amăng tơlơi pơmĭn bơdjơ̆ nao tơlơi gơgrong  amăng  bruă pơplih tuh pơ alin, bơwih ƀong sĭ mơdrô, hrưn đĭ bơkơtưn amăng pơđĭ kyar bơwih ƀong huă-mơnuih mơnam; pel ĕp, rơkâo pơhrŏ, ngă amuñ tui hơdôm tơlơi pơkă bơdjơ̆ nao bruă tuh pơ alin, bơwih ƀong sĭ mơdrô.