Đĭ pơhiăp amăng mông pioh hơdor, ơi Lê Ngọc Tuấn, Khua Jơnum min mơnuih ƀôn sang tơring čar Kon Tum čang rơmang anom bơwih ƀong sĭ mơdrô, ƀing mơnuih bơwih ƀong sĭ mơdrô tŏ tui pơgôp amăng bruă pơđĭ kyar amăng tơring čar. Tơring čar ƀuăn ngă gêh gal hloh brơi anom bơwih ƀong sĭ mơdrô dưi tuh pơ alin, pơđĭ kyar. Amăng mông ngă lơphet pioh hơdor 20 thun hrơi pơpŭ ƀing bơwih ƀong sĭ mơdrô Việt Nam lơ 13/10 hăng pơphun pơbưp ƀing bơwih ƀong sĭ mơdrô tal 2 thun 2024, mut hrŏm hrơi pơplông “Gum tơngan hrŏm ruh hĭ sang tơ̆i rơ̆i” yua tơring čar Kon Tum pơphun, 13 anom bơwih ƀong sĭ mơdrô hăng Khul mơnuih bơwih ƀong sĭ mơdrô hlăk ai tơring čar Kon Tum pơgôp giăm 400 klăk prăk.

Ƀrô tal anai, Jơnum min mơnuih ƀôn sang tơring čar Kon Tum hơmâo jao hră pơpŭ 27 anom bơwih ƀong sĭ mơdrô, ƀing bơwih ƀong sĭ mơdrô ba gru; 23 čô mơnuih ba gru amăng Khul mơnuih bơwih ƀong sĭ mơdrô hlăk ai amăng tơring čar Kon Tum hơmâo čơkă mă hră pơpŭ mơng Jơnum min khul mơnuih bơwih ƀong sĭ mơdrô hlăk ai Việt Nam.