Să Đak Nhoong, tơring glông Đak Glei, tơring čar Kon Tum hmâo jơlan guai dêh čar ataih rơbêh kơ 35 km giăm hăng guai tơring glông Đak Chưng, tơring čar Sê Kông, dêh čar Lao. Hăng pran jua “Rim mơnuih ƀôn sang lĕ sa pŏng guai dêh čar”, thun rơgao Puih kơđông pơgang guai dêh čar Đak Nhoong gum hrŏm kơjăp hăng gong gai să Đak Nhoong ngă klă Tơlơi črâo ba mrô 01 mơ̆ng Khua dêh čar kơ pơphun bruă abih bang mơnuih ƀôn sang gum hrŏm pơgang lŏn ia pô, rơnuk rơnua guai dêh čar amăng rơnuk phrâo.

Đại tá Phạm Cảnh Toàn, Kơ-iăng Khua git gai Ping gah Ling tơhan pơgang guai dêh čar tơring čar Kon Tum brơi thâo, Đak Nhoong lĕ să blung a amăng abih bang mrô 13 bôh să guai dêh čar gah tơring čar Kon Tum pơphun hrơi jơnum. Anai lĕ bruă mă tŭ yua bruă kơđi čar, pran jua dơlăm ană mơnuih, jing tal pioh mơnuih apăn bruă tơhan, ling tơhan pơgang guai dêh čar hơdor kơ gưl ping gah, gong gai hăng mơnuih ƀôn sang ƀơi să./.