VOV4.Jarai-Tui hăng tơlơi pơtong glăi mơ̆ng Gơnong bruă ia jrao tơring čar Kon Tum, tơlơi či hơmâo klin Covid 19 hơđuh glăi dơ̆ng hăng duam đung drah lar hyu kơtang ƀơi tơring čar anai. Mơ̆ng akŏ thun truh ră anai tơring čar hơmâo čih pioh giăm 47 rơbâo čô mơnuih ƀă kman Sars-cov-2. Đơ đam tơring čar ăt čih pioh hơmâo 93 anih hơmâo klin duam đung drah, truh kơ 393 čô mơnuih ƀă. Lăp đing nao lĕ, ră anai lu mơnuih ƀôn sang ĭn glăi đơi ngă amưng ƀu kiăng nao tlâ̆o pơgang Covid 19 hăng bruă tlâ̆o arăt pơñă glăi kơ khul mơnuih mơ̆ng 12 thun pơngŏ dŏ kaih biă mă.

Kon Tum pơtrut brơi tlâ̆o vaccine pơgang Covid 19

Hăng duam đung drah lĕ mơnuih ƀôn sang dŏ ngă amưng, lăng tơdu đơi amăng bruă pơhlôm, pơgang. Anom bruă ia jrao tơring čar Kon Tum hlăk kơtưn gir ngă tui hơdră pơhlôm pơgang kiăng pơhrŏ ƀiă hơmâo mơnuih ƀă klin, amăng anun pơtrut brơi tlâ̆o pơgang klin Covid 19 hăng hơdră brơi pơrơgoh djah djâo, pruih ia jrao pơdjai kman ană keč, pơdjai kman arong aruač ba hyu kman duam ruă, rơnăk ayuh hyiăng pioh pơhlôm pơgang duam đung drah.

Nay Jek: Pơblang