Tơring čar Kon Tum hơmâo lu ia krông, ia ania anet prong hŭi biă mă laih anun hơdôm rơtuh dơnao ia dơlăm hăng prong. Tơlơi truh ƀlung ia hơmâo na nao đôč hăng čơđai muai bơyan pơdơi prong. Kiăng pơgang ba čơđai dưi rơnuk rơnua, abih bang giăm 168.000 čô čơđai sang hră amăng đơ đam tơring čar bơyan pơdơi prong thun anai, tơring čar Kon Tum iâu pơthưr djop gưl sang bruă, anom bruă, sang hră, sang anŏ hăng abih bang ană plơi pla amăng khul mơnuih mơnam kơtưn sem lăng, pơgang ba, pơhrŏ tơlơi truh răm ƀăm, ruă nuă, biă mă ñu tơlơi truh răm ƀăm ƀlung ia ƀơi čơđai muai.

Tơring čar amra pơtum lu hơdră anih hrăm luai ia hlăk hơmâo ră anai, pơphun pơtô hrăm luai, pơtô brơi hơdră pơgang mă pô kơ čơđai muai sit hyu mơnơi ƀudah trun djơ̆ amăng ia dơlăm ia hnoh rô kơtang bơyan ia ling dăo, kiăng huăi ƀlung ia; laih anun iâu pơthưr ngă bơngač tui tơlơi hor hrăm luai ia amăng djop plơi pla.