Truh ră anai, tơring čar Kon Tum hơmâo pok pơhai mrô rơnoh pioh ba yua hrŏm laih anun mrô rơnoh pơmut amăng plang điện tử kơ rim mơnuih apăn bruă, sang bruă kơnuk kơna tui hăng atur lăi pơthâo amăng plang internet pơdah thâo lăng nao rai hăng abih bang ƀơi tơring čar; djop mơta mrô rơnoh pơthâo kơ plơi pla, bruă ia jrao, pơtô hrăm, kông ngăn lŏn glai, ayuh hyiăng anih dŏ jum dar hăng bruă ngă hmua dưi ngă tui hur har biă mă; rơbêh 98% mrô mơnuih hơmâo hră pơhlôm nua mơnuih mơnam, pơhlôm nua ia jrao hăng pơhlôm nua rơngiă bruă mă hơmâo čih anăn djop amăng rơnoh dêh čar wai lăng plơi pla, anăn păn mơnuih ƀôn sang; abih bang sang ia jrao pơkă lăng hăng pơjrao duăm ruă ƀu tŭ mă prăk mơta ôh sit pơjrao duăm ruă…..

Ƀơi mông jơnum, ƀing khua mua pơ ala nao jơnum hơmâo lăi pơthâo lu hră pơčrong sai hăng hơdôm bruă mă yôm amăng tơring čar, lăi nao kơ bruă pơblih yua mrô tơring čar; pơblang rơđah, kah pơpha bruă ngă djơ̆, klă tŭ yua, hơbô̆ bruă thâo pơčeh phrâo amăng bruă ngă tui hơdră pơblih yua mrô. Pơtong rơđah bruă mă yua mrô lĕ sa amăng hơdôm bruă mă pơtrut pran jua pơđĭ kyar bơwih ƀong huă mơnuih mơnam, jơnum min mơnuih ƀôn sang tơring čar pơtrun hiăp djop gưl anom bruă, abih bang mơnuih ƀôn sang, sang bruă sĭ mơdrô ngă anom bruă pơphô brơi, djru pơblih phrâo yau mrô kiăng djop bruă anăp kơ mơnuih ƀôn sang hăng bơwih brơi kơ sang bruă sĭ mơdrô.