VOV4.Jarai-Ƀơi plơi prong Kon Tum, Anom bruă tơdăm dra mut phung tơring čar Kon Tum ngă hrom Gơnong bruă Pơtô hăng pơjuăt tơring čar pơphun pơplông tơlơi thâo yua komputer ta juăt lăi Tin học kơ čơđai tơring čar Kon Tum tal XXII thun 2022. Nao pơplông hơmâo 90 čô čơđai, hlăk ai mơ̆ng djop sang hră gưl sa, gưl dua, gưl klâo amăng tơring čar.

Ayong Xiêng Thanh Phúc, Khua anom bruă tơdăm dra mut phung tơring čar Kon Tum jao hră apah bơni kơ ƀing dưi mă pri

Ƀing čơđai sang hră pơplông tui hluai tơlơi thâo boh pơhiăp dưm hlâo amăng komputer, truh kơ  jŭ yap tơlơi kơhnâo ƀơi 3 hnăl: Hnăl sa mă yua boh pơhiăp anăn SCRATCH ƀudah Python pioh pơblang jŭ yap tơlơi kơhnâo pioh kơ čơđai sang hră gưl sa; Hnăl B hăng C mă yua boh hră pơhiăp dưm dăp tơlơi kơhnâo pơčeh phrâo hơdră mă Free Pascal, DevC++, CodeBlock, Python pioh pơblang mrô jŭ yap amăng tơlơi thâo rơgơi komputer pioh kơ čơđai sang hră gưl dua hăng gưl klâo. Boh tơhnal pơplông, khul čom puang apah bơni kơ 31 čô čơđai pơplông rơgơi hloh.

Nay Jek: Pơblang