Mơ̆ng blan 2/2024, hơdôm boh sang hră gưl 3 čem rông ană bă djuai ania ƀiă tơring čar hơmâo git gai ƀing nai pơtô lăng glăi, pơtô giong tơlơi hrăm rim hrơi, laih anun pơtŏng glăi tơlơi hrăm mơ̆ng ƀing čơđai dưi mơn pơplông abih anih 12 ƀơi djŏp tơlơi hrăm mơ̆ ƀing čơđai rơkâo pơplông. Tơdơi kơ brơi čơđai ruah mă tơlơi pơplông hrŏm, wơ̆t hăng rơkâo mut hrăm pơ hơdôm boh sang hră gưl prong amăng akŏ blan 3, pơphun mơ̆ng lơ 1/4, hơdôm boh sang hră pơphun brơi ƀing čơđai hrăm hơdor glăi truh kơ lơ 22/6.

Sang hră gưl 3 čem rông ană bă djuai ƀiă tơring čar Kon Tum thun anai hơmâo 178 čô čơđai pơplông abih anih 12. Abih bang sang anŏ ƀing čơđai lêng kơ tŭ ư brơi ană bă gơñu dŏ glăi pơ sang hră hrăm tơlơi pơplông, sang hră hơmâo pơphun pơtô brơi klă biă. Gong gai tơring čar ăt hơmâo hơdră djru ba lăp djơ̆ mơn, biă ñu hăng ƀing čơđai sang anŏ tơnap, djru ba ƀing čơđai hơđong pran hrăm hră laih anun nao pơplông abih anih 12 amăng rơnuč blan 6 pơ anăp anai./.