VOV4.Jarai - Lơ 9/3, ƀơi plơi prong Kon Tum, Kông ang tơring čar Kon Tum pơphun Jơnum pơgôp hiăp kơ 2 črăn tơlơi phiăn lĕ tơlơi phiăn ling tơhan wai pơgang, pơhlôm rơnuk rơnua ƀơi ƀon lan hăng tơlơi phiăn wai pơgang amăng jơlan glông. Nao jơnum hơmâo ơi U Huấn, Ding kơna Khul apăn bruă Ping gah, Khua anom pơphun bruă Ping gah tơring čar, Khua khul khua pơ ala mơnuih ƀon sang tơring čar Kon Tum.

Ƀing khua mua nao jơnum

Amăng mông jơnum, ƀing khua mua hơmâo pơđok 12 tơlơi pơgôp amăng 2 črăn tơlơi phiăn. Đĭ pơhiăp amăng mông jơnum, ơi U Huấn rơkâo, tơdơi kơ Jơnum kông ang tơring čar tŏ tui pơtô pơblang 2 črăn tơlơi phiăn, kiăng ba glăi tơlơi tŭ ư hrŏm, tơlơi dong yua mơng mơnuih ƀon sang, anom bruă, khul grup amăng hrơi mông pơjing, pơsit mă yua hăng pok pơhai ngă tui črăn tơlơi phiăn anai.

Siu Đoan: Pơblang