VOV4.Jarai - Mơguah lơ 10/6, ƀơi pơsat tơhan tơring glông Ngọc Hồi, Ping gah tơring čar, Jơnum min pơ ala mơnuih ƀon sang, Jơnum min mơnuih ƀon sang hăng Jơnum min djŏp djuai ania mơnuih mơnam Việt Nam tơring čar Kon Tum pơphun jôk atâo, ba pơyua 13 ƀer tơlang tơhan mơ̆ Grup K53 hơmâo rŭ ƀơi dêh čar Lao hăng Kur amăng bơyan phang 2021-2022. Amăng hrơi kơdrưh kơ-ang, Khul khua mua mơng 3 boh tơring čar Attapư, Sê Kông, Chăm Pa Sắc, dêh čar Lao; Rattanakiri dêh čar Kur; Khul khua mơng Quân khu 5, sư đoàn 10, Khul khua pơ ala tơring čar Kon Tum hăng lu mơnuih ƀon sang tơring glông Ngọc Hồi hơmâo nao dưm bơnga, tŭi ñang hơdor kơ tơhan djai pơsăn drơi kơ lŏn ia ta, djru ngă bruă jar kmar.

Ƀing khua nao pơyua tơhan djai pơsăn drơi glăi pơ dêh atâo.

Ba nao dor tơhan djai pơsăn drơi ƀơi pơsat tơhan tơring glông Ngọc Hồi.

Amăng 13 ƀer tơlang tơhan, mơnuih kơhnâo Việt Nam hơmâo Grup tơhan K53 tơring čar Kon Tum duñ pơƀut amăng bơyan phang 2021-2022, hơmâo 7 ƀer tơlang tơhan hơmâo mă ƀơi 3 boh tơring čar gah Dơnung dêh čar Lao, anun lĕ: Attapư, Sê Kông hăng Chăm Pa Sắc; 6 ƀer tơlang hơmâo mă ƀơi tơring čar Rattanakiri, dêh čar Kur.

Siu H’Mai: Pơblang