Pơhiăp ƀơi mông jơnum jak iâu, ơi Lê Ngọc Tuấn, Khua Jơnum min mơnuih ƀôn sang tơring čar Kon Tum rơkâo khua djop sang bruă, anom bruă, tơring glông khom pơđĭ tui tơlơi glăm ba amăng bruă mă, pơtum git gai, pơčrâo bruă hăng pok pơhai ngă tui tơlơi bơkơtưn ƀudah pơplông mă bruă kiăng ba glăi boh tŭ yua, sit nik, ƀu djơ̆ lăi pơhmu tŭ kơ hơmâo, ngă kiăng ƀuh đôč ôh.

Boh yôm phun, hơdră pơphun pơplông mă bruă khom pok pơhai lu, dơlăm hloh, tŭ yua, kiăo tui kơ tơhnal pơkă, mrô pơtrun akŏ bruă jao amăng kơđi čar djop gưl sang bruă, anom bruă, plơi pla. Tơhan pơgang rơnuk rơnua, hơđong ƀơi plơi pla kiăng thâo tong ten ngă tui tơlơi git gai tơpă, khut khăt, hlom bom mơ̆ng djop gưl anom bruă ping gah, git gai wai lăng mơ̆ng kơnuk kơna hăng pơtô brơi bruă mă kơ ƀing tơhan kông an.