VOV4.Jarai-Mơguah lơ 5/6, ƀơi tơring kual Đak Tô, tơring glông Đak Tô, Jơnum min mơnuih ƀôn sang tơring čar Kon Tum jơnum jak iâu bruă pla kyâo hơdor na nao kơ Wa Hồ thun 2022 laih anun anăp nao hơdor kơ hrơi rŏng lŏn tơnah pơgang ayuh hyiăng lơ 5/6. Tơdơi kơ jơnum, khua mua tơring čar Kon Tum, khua mua mơ̆ng ding jum, anom bruă gah gơnong dlông nao hrom mơnuih ƀôn sang tơring glông Đak Tô pla kyâo hơmâo rơtuh phun, pla kyâo ngă tơ-ui amăng tơdron jơnum prong lơ 24/4 hăng hơdôm anih anom mơnuih ƀôn sang dŏ ngui amăng tơring glông Đak Tô.

Mông jơnum pơphun pla kyâo hơdor na nao kơ Wa Hồ thun 2022 laih anun ngă tui Hrơi rŏng lŏn tơnah pơgang ayuh hyiăng lơ 5/6

Ƀrô djơ̆ tal anai, Gơnong bruă đang hmua hăng pơđĭ kyar plơi pla tơring čar Kon Tum pơphun ƀơk brơi 157 rơbâo 700 phun kyâo či pla, hơmâo lu pơjeh kyâo giăr, kyâo sưa djuai kyâo sar, kyâo săn, kyâo hơngô klâo hla kơ djop sang bruă, plơi pla amăng tơring čar kiăng pơgang tơ-ui. Amăng bơyan hơjan thun anai, tơring čar Kon Tum ngă tơhnal pơkă pla phrâo 4.500 ha glai rưng hăng pơpha brơi pla djop đơ đam anun kơ djop sang bruă, tơring glông plơi pla.

Nay Jek: Pơblang