VOV4.Jarai - Tal blung a ƀơi Kon Tum pơphun jơnum sang čơ sĭ Sâm Ngọc Linh hăng hơdôm gơnam yôm pơlir hăng bruă bơwih brơi tuai čuă ngui. Bruă sĭ mơdrô anai hơmâo tơring glông Tu Mơ Rông, kual pla Sâm Ngọc Linh hăng phun akha kyâo yôm pơkŏn amăng tơring čar Kon  Tum pơphun mơng lơ 24 truh lơ 26 blan 4 pơ anăp anai. Kơnong bruă sĭ mơdrô lăng nao rai mơng ataih amra pơphun amăng 10 hrơi amăng plang sĭ mơdrô điện tử amăng tơring čar, mơng lơ 22 truh lơ 2/5/2022.

Jơnum hăng ƀing čih tơlơi pơhing kơ jơnum sang čơ Sâm Ngọc Linh ƀơi tơring glông Tu Mơ Rông, tơring čar Kon Tum

Nao jơnum sang čơ hơmâo 44 anih pơdă prưng gơnam mơng mơnuih ƀon sang, anom bơwih ƀong sĭ mơdrô, anom bơwih ƀong hrŏm mơng tơring glông Tu Mơ Rông, tơring čar Kon Tum hăng sa, dua mơng tơring glông Nam Trà Mi, Quảng Nam, Bình Dương, ƀôn prong Đà Nẵng. Gơnam lăi pơthâo amăng jơnum sang čơ lu hloh lĕ Sâm Ngọc Linh hrŏm hăng phun akha kyâo hăng hơdôm gơnam pơkra mơng akha kyâo.

Siu Đoan: Pơblang