VOV4.Jarai - Jơnum min mơnuih ƀon sang tơring čar Kon Tum phrâo hơmâo hră mơ-it kơ hơdôm gơnong bruă, anom bruă hăng Jơnum min mơnuih ƀon sang hơdôm boh tơring glông, plơi prong kơ bruă pơđĭ tui bruă pơgang pơgăn tơlơi truh djai ƀlung a ƀơi ƀing čơđai. Tui anun, Jơnum min mơnuih ƀon sang tơring čar Kon Tum kiăng Jơnum min mơnuih ƀon sang 10 boh tơring glông, plơi prong git gai hơdôm boh să, phường, tơring kual čih pơkra hơdră ngă bruă rơđah kơ pơgang, pơgăn tơlơi truh, tơlơi rơka rơkač, biă ñu kơđiăng bruă pơgang tơlơi truh ƀlung ia ƀơi ƀing čơđai.

Čơđai nao mơnơi ƀơi ia krông Đăk Bla amuñ djai ƀlung ia biă.

Git gai hơdôm anom bruă, khul grup wai lăng ƀing čơđai amăng hrơi blan pơdơi sang hră, hrơi hơmâo hơjan kơthel. Pơtô pơblang, iâu pơthưr hơdôm boh sang anŏ amăng bruă man pơdong sang anŏ rơnuk rơnua, pơhlôm rơnuk rơnua kơ ƀing čơđai, krăp lăng čơđai na nao. Pơphun hyu lăng hăng hlă gong, čih hră pơhŭi hlâo, ngă pơnăng pơgăn ƀơi hơdôm anih amuñ hơmâo tơlơi truh kah hăng ƀơi luh, dơnao, ia čroh hloh, ring bruă glăk pơkra, hơdôm anih hŭi rơhyưt ƀơi anih gơgrong wai lăng.

Siu H’Mai: Pơblang