VOV4.Jarai - Tal hơdor glăi 50 thun blah dưi Đăk Tô - Tân Cảnh, lơ 24/4, Ding jum ling tơhan amra git gai, gum hrŏm hăng Ping gah tơring čar Kon Tum pơphun Jơnum hăng anăn: “Blah dưi Đăk Tô - Tân Cảnh”. Jơnum kiăng kơ pơsit tong hơdôm tơlơi yôm mơng tal blah dưi Đăk Tô - Tân Cảnh hăng tal blah wang gah kơdư kual Dap kơdư hăng tơlơi yôm kiăng kơ blah dưi ayăt Mi, pơklaih rơngai kual Dap kơdư. Tơlơi anai pơdah tơlơi yak nao amăng bruă pơphun, git gai tal blah wang, pơgôp ba glăi tơlơi dưi amăng blan blah wang thun 1972. Jơnum anai lĕ tơlơi găn rơgao mơng gru grua yôm phăn amăng bruă git gai mơng Ping gah dêh čar, Ping gah ling tơhan. Ding jum ling tơhan kơ tơlơi yak nao, tơlơi git gai, pơphun bruă blah wang, bruă mut hrŏm amăng blah wang, hrơi blan gum hrŏm kơplah wah Ling tơhan dêh čar hăng tơhan ƀơi ƀon lan laih dong mơnuih ƀon sang amăng tơring čar Kon Tum, kual Dap kơdư. Mơng anun, pơtrut pơsur, djă pioh amăng bruă pơjing hăng wai pơgang lŏn ia.

Siu Đoan: Pơblang