VOV4.Jarai - Ƀơi anăp kơ ayuh hyiăng pơ-iă kơtang, apui lơtrik mă yua amra lu ƀiă ƀơi hơdôm tơring čar kual Dơnung, Kông ti apui lơtrik phun kual Dơnung glăk pok pơhai akŏ bruă pơhlôm apui lơtrik mă yua lơ̆m ayuh hyiăng pơ-iă kơtang amăng sui hrơi hăng bruă yua apui lơtrik đĭ kơtang. Tui hăng Kông ti apui lơtrik phun kual Dơnung, amăng blan 2/2022, 21 boh tơring čar kual Dơnung (mơng Ninh Thuận truh pơ Cà Mau, ƀu yap wŏt ƀôn prong Hồ Chí Minh ôh) abih tih apui lơtrik mă yua lĕ 5,461 klai kWh, đĭ 17,13% pơhmu hăng blan 2/2021. Him lăng amăng blan 3 anai pơ-iă kơtang amăng đơ đam kual, hơdôm tơring čar kual Dơnung pơwŏt glăi bơwih ƀong, sĭ mơdrô tui hơđăp yua anun apui lơtrik mă yua amra đĭ kơtang. Hrŏm hăng pơhlôm brơi apui lơtrik yua, Kông ti apui lơtrik phun kual Dơnung pơhŭi hlâo kơ anom bơwih ƀong sĭ mơdrô, mơnuih ƀon sang yua apui lơtrik gap ƀrô, pơkrem, pel ĕp na nao hrĕ, anih dưm truă apui lơtrik amăng sang anŏ, sang măi.

Siu Đoan: Pơblang