VOV4.Jarai - Amăng hơdôm bruă mă kiăng hơkrŭ đĭ, pơđĭ kyar tuai čuă ngui hăng anăp nao hơdor glăi 47 thun tlaih rơngai kual Dơnung dêh čar pơlir hơbit lŏn ia, Jơnum min mơnuih ƀôn sang tơring glông Tŭ Mrông, tơring čar Kontum pơphun Bơkơtuai sâm Ngọc Linh, hơdôm gơnam nao hrom hăng anih anom tuai čuă ngui. Hăng sa kual phun pla phun jrao mơng tơring čar Kontum, tơring glông Tŭ Mrông ră anai hmâo rơbêh kơ 1.200 ektar sâm Ngọc Linh mơng anom bơwih ƀong hăng mơnuih ƀôn sang.

Kĭ pơkôl gum hrom pơlar phun jrao ƀơi mông bơkơtuai

Amăng mông bơkơtuai sâm Ngọc Linh, hơdôm gơnam nao hrom hăng anih anom tuai čuă ngui, ƀing juăt bruă, pô wai lăng phun gơnong bruă hmâo djru lu tơlơi gum pơhiăp yôm djru tơring glông Tŭ Mrông pơtlaih tơlơi gun amăng bruă ngă pơhư̆č, iâu pơhrui ngăn drăp tuh pơplai; tơlơi pơgang pơlar dlai tlôn; ngă tui pran kơtang phun jrao, pok prong kual lŏn pla, pơđĭ tui anô̆ klă; Pơđĭ kyar bruă pơkra pơjing; Pok prong anih anom sĭ mơdrô; Pơjing anăn gơnam pha ra kơ tuai čuă lăng hmâo nao hrom hăng phun sâm Ngọc Linh./.

Siu H’ Prăk: Pơblang