Jơlan hơdră “Hơđong nua gơnam amăng tal hlâo, amăng hăng tơdơi kơ Tết tui phiăn juăt Quý Mão thun 2023” yua Jơnum min mơnuih ƀôn sang tơring čar Kontum pok pơhai hmâo 2 bôh anom rơkâo gum hrom, anun lĕ Siêu thị Co.op Mart hăng Siêu thị Win Mart. Dua bôh anom anai ngă tui bruă djă pioh gơnam ƀong huă pơkra mơng măi mok, braih pơdai, gơnam dô̆ asăt hăng gơnam pơkra lui hlâo hmâo abih bang nua ñu 53 klai prăk.

Ngăn rơnoh yua pioh djă pioh gơnam tam anom bơwih ƀong gơgrong pơhlôm mă. Kiăng gal brơi kơ mơnuih ƀôn sang blơi prăp gơnam hlâo, amăng hăng tơdơi kơ Tết tui phiăn juăt djuai ania Quý Mão thun 2023, ƀơi plơi prong Kontum dua bôh anom gum hrom Jơlan hơdră hơđong nua sĭ gơnam djă pioh 2 anih anom sĭ gơnam hơđong. Rơngiao kơ anun dua anom anai ăt pơphun mơn hơdră sĭ gơnam hăng rơdêh ba hyu ƀơi 2 bôh să kual djuai ania ƀiă tơnap tap mơng tơring čar, anun lĕ: Să Đăk Sao, tơring glông Tŭ Mrông hăng să Mường Hoong, tơring glông Đăk Glei./.