VOV4.Jarai - Amăng dua hrơi lơ 24 hăng lơ 25/4, Grŭp hyu mă bruă mơng Jơnum min djuai ania yua kơ ơi Hầu A Lềnh, Ding kơna Ping gah dêh čar, Khua Ding jum, Khua Jơnum min djuai ania ngă Khua grŭp hmâo mă bruă hăng tơring čar Kontum kơ bôh tơhnal ngă tui bruă djuai ania; Tơlơi pok pơhai ngă tui Jơlan hơdră pơkă tơhnal pơđĭ kyar bơwih ƀong – mơnuih mơnam mơng dêh čar kual neh wa djuai ania ƀiă hăng kual čư̆ siăng, tal sa mơng thun 2021-2025 ƀơi tơring čar Kontum.

Khua ding jum Hầu A Lềnh pơhiăp amăng mông mă bruă

Tơring čar Kontum hmâo mrô mơnuih rơbêh kơ 568.000 čô mơnuih hăng 43 djuai ania; neh wa djuai ania ƀiă hmâo rơbêh kơ 54,9%. Khă rim thun tơring čar trun hmâo mơng 3 truh kơ 4% mrô sang anô̆ ƀun rin, samơ̆ truh rơnuč thun 2021 tơring čar ăt dô̆ mơn giăm truh 22.000 bôh sang anô̆ ƀun rin, giăm dưm dưm hăng 16% bơhmu hăng mrô sang anô̆ đơ đam tơring čar, amăng anun sang anô̆ djuai ania ƀiă gah sang anô̆ ƀun rin hmâo truh rơbêh kơ 94%.

Anih anom amăng mông mă bruă

Pơhiăp amăng mông mă bruă, Khua ding jum, Khua Jơnum min djuai ania dêh čar ta ơi Hầu A Lềnh pơtă, amăng bruă ngă tui Jơlan hơdră pơkă mơng lŏn ia pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng, tơring čar Kontum khom prăp lui hơdôm jơlan gah pok pơhai ngă tui. Hrom hăng bruă pok pơhai ngă tui jơlan hơdră pơkă mơng lŏn ia thun 2022 khom prăp lui jơlan hơdră pơpha ngăn rơnoh kơ thun 2023. Khua ding jum ăt rơkâo mơn tơring čar Kontum đing nao pơhrua nao khul mơnuih mă bruă djuai ania ƀiă biă ñu djop tui tơlơi pơkă./.

Siu H’ Prăk: Pơblang