Thun 2022 rơnoh đĭ kyar gơnam mơng tơring čar Kontum hmâo 9,5% bơhmu hăng thun 2021. Abih bang gơnam hơnong ñu sa akô̆ mơnuih đĭ mơng giăm truh 47 klăk prăk truh kơ 52 klăk prăk. Pơhrui ngăn drăp kơnuk kơna him lăng ngă tui 4.000 klai prăk, hmâo 100% mrô pơkă jao. Amăng thun tơring čar Kontum ngă pơhư̆č 19 rơwang bruă tuh pơplai hăng abih bang prăk rơkâo năng ai ñu 1.600 klai prăk.

Hrom hăng bôh tơhnal dưi ngă, hmâo 4 tơhnal yôm phăn tơring čar Kontum ƀu dưi ngă djơ̆ tui kơčăo bruă ba tơbiă, anun lĕ: Rơnoh đĭ kyar abih bang gơnam ƀu djơ̆ tơhnal ba tơbiă mơng Tơlơi pơtrun pơsit đĭ mơng 10% hăng lu hloh; Mă yua ngăn drăp tơring čar; Pơsir prăk tuh pơplai bruă hrom hăng Pơdŏng plơi pla phrâo ăt ƀu djơ̆ hăng tơhnal kơčăo bruă mơn.

Hrom hăng anun bôh tơhnal pơplih pơkra bruă čar, pơplih anih anom tuh pơplai, pơđĭ tui bôh thâo bơkơtưn mơng tơring čar akă hmâo pơplih rơđah; Bruă pơ ala glăi, mă yua lŏn pơkra ring bruă yôm phăn dô̆ kaih, ngă pơhư̆č tuh pơplai dô̆ lu tơlơi akă giong... Amăng tơlơi pơhiăp pok phun tal jơnum mơtăm, ơi Dương Văn Trang, Khua git gai Ping gah tơring čar, Khua Khul pơ ala mơnuih ƀôn sang tơring čar Kontum rơkâo ƀing khua pơ ala đing nao ngă rơđah hơdôm bruă akă giong, akă dưi ngă hăng dưi pơsit jơlan hơkrŭ pơsir amăng thun 2023./.