VOV4.Jarai - Hăng anăn ñu: “Pơkĕ hrom khul mơnuih – Lar hyu bruă mă khăp păp”, mơguah lơ 9/5, ƀơi plơi prong Kontum, Khul ia jrao kyâu bơrơkal mriah tơring čar Kontum pơphun ngă Lơphet pok phun Blan khăp păp thun 2022. Amăng blan khăp păp thun anai, Khul ia jrao kyâu bơrơkal mriah tơring čar Kontum hrưn đĭ djru mơng 3.000 truh 5.000 wot čô mơnuih tơnap tap; Pơdŏng 8 bôh Sang kyâu bơrơkal mriah ƀudah ring bruă mă yua hrom; Pơphun pel ĕp tơlơi ruă, lăi pơthâo tơlơi suaih pral, pha brơi ia jrao kơ mơnuih ƀôn sang kual tơnap tap.

Pơpŭ khul grŭp gum hơgôp klă amăng bruă gum djru khăp păp 

Khul ia jrao kyâu bơrơkal mriah tơring čar Kontum brơi thâo, kiăng dưi ngă tơhnal ba tơbiă phrâo lăi, Khul ia jrao kyâu bơrơkal mriah tơring čar Kontum amra kơtưn bruă pơkĕ hrom khul mơnuih, lar hyu bruă gum djru khăp păp djơ̆ kah hăng anăn mơng blan gum djru khăp păp thun anai. Amăng mông ngă Lơphet pơphun Blan gum djru thun 2022 mơtăm, Khul ia jrao kyâu bơrơkal mriah tơring čar Kontum hmâo tŭ mă giăm truh 140 klăk prăk mơng hơdôm khul grŭp hăng mơnuih ƀơi anăp gum djru./.

Siu H’ Prăk: Pơblang