VOV4.Jarai - Ngă tui akô̆ bruă pla sa klai kyâu pơtâo rơwang mơng thun 2021-2025 mơng Kơnuk kơna, mơguah kơ 25/3, ƀơi Pơsat ling tơhan pơsăn drơi tơring glông Tŭ Mrong, Anom wai lăng anih anom sĭ mơdrô Kontum gum hrom hăng Jơnum min mơnuih ƀôn sang tơring glông Tŭ Mrông pơphun ngă Lơphet Tết pla kyâu hăng anăn ñu “Hăng dlai amra mơtah”.

Khua pơ ala pla phun kyâu ƀơi mông ngă Lơphet pok phun

Tơdơi kơ ngă Lơphet mơtăm, ƀing khua pơ ala hmâo pla hơdôm rơtuh ƀĕ phun bơnga dar anh đào amăng hăng gah rơngia đang war pơsat ling tơhan pơsăn drơi  kiăng klă hiam. Rơngiao kơ anun, Jơnum min mơnuih ƀôn sang tơring glông Tŭ Mrông ăt pok pơhai mơn bruă pla kyâu mơtah ƀơi hơdôm bôh să: Đak Hà, Ngọc Lây hăng Kual djă pioh gru grua đưm hơkrŭ Ping gah tơring čar Kontum ƀơi să Măng Ri. Kơnong kơ Grŭp wai lăng anih anom sĭ mơdrô mrô 2 hăng Anom wai lăng anih anom sĭ mơdrô Kontum djru tơring glông 4.800 ƀĕ phun kyâu, anun lĕ: kyâu hngô, sơn tra, bơnga anh đào, bơnga prang hăng phun amil prang./.

Siu H’ Prăk: Pơblang