VOV4.Jarai - Ƀơi anăp tơlơi pơplih mơng bruă blơi sĭ lŏn hơdôm hrơi jê̆ hăng anai, kiăng pơhlôm klă amăng bruă brơi čan prăk, Sang prăk kơnuk kơna pơdŏng ƀơi tơring čar Kontum hmâo rơkâo hơdôm bôh sang prăk brơi čan prăk ƀơi tơring čar kơđiăng amăng bruă pơsit brơi čan prăk blơi sĭ lŏn. Kiăo tui anun, Sang prăk Kơnuk kơna ƀơi tơring čar Kontum rơkâo hơdôm bôh sang prăk brơi čan prăk ƀơi tơring čar đing nao pel ĕp kơjăp bruă pơsit brơi čan prăk hăng anô̆ klă prăk čan kơ bruă blơi sĭ lŏn, biă ñu lĕ hơdôm tơlơi kiăng čan tuh pơplai blơi lŏn; Kơđiăng amăng pel ĕp pơsit brơi čan prăk blơi sĭ lŏn ƀơi hơdôm anih anom hmâo tơlơi đĭ nua lŏn, hơdôm rơwang bruă amra hmâo tơlơi ƀu tơphă prong... Rơkâo hơdôm sang prăk brơi čan lăng tŏng lom pel ep, pơkă nua lŏn pơhlôm hăng hơdôm kông ngăn lĕ tơlơi dưi mă yua lŏn, kông ngăn nao hrom hăng lŏn./

Siu H’ Prăk: Pơblang