VOV4.Jarai- Bruă pơdơi hĭ jang jai hơdôm anih pơhaih gah ia jrao pioh pơgang klin Covid-19 kơtuai tui jơlan prong amăng tơring čar Kontum hơmâo pơphun mơng 12 mông mlăm mơguah lơ 12/1/2022. Tui anun hơmâo 6 anih pơhaih gah ia jrao amăng tơring čar Kontum kơtuai tui jơlan mut nao tơring čar pơdơi hĭ jang jai.

Jơlan mut nao anih pơhaih gah ia jrao mrô 1 - Sao Mai

Amăng hră mơ-it hơdôm gơnong bruă, anom bruă amăng tơring čar; Jơnum min mơnuih ƀon sang hơdôm tơring glông, plơi prong git gai bruă pơdơi hĭ jang jai hơdôm anih pơhaih gah ia jrao pioh pơgang klin Covid-19 amăng lơ 11/1, Jơnum min mơnuih ƀon sang tơring čar Kontum jao Jơnum min mơnuih ƀon sang hơdôm tơring glông, plơi prong git gai bruă ruh ba glăi gơnam tam, hơdôm gơnam yua gah ia jrao, rơmet pơagaih jum dar, pruih ia jrao hlâo kơ ruh hĭ abih hơdôm anih pơhaih gah ia jrao anai. Kontum lĕ tơring čar rơnuč amăng kual Dap kơdư brơi pơdơi hĭ hơdôm anih phaih gah ia jrao pioh pơgang klin Covid-19 kơtuai tui jơlan mut nao rai tơring čar.

Siu Đoan: Pơblang