VOV4.Jarai-Ăt amăng mông jơnum Kơnuk kơna tơđar blan 7/2022, tlam lơ 3/8, Kơnuk kơna bơkơtuai tơlơi pơhing ngă tui mă yua prăk čan tuh pơ alin kơ bruă čar. Pơhiăp git gai jơnum, Khua dêh čar ơi Phạm Minh Chính lăi rơđah, phrâo anai, Kơnuk kơna ăt pơtrut 6 grup ngă bruă hăng khua mua mơ̆ng ding jum anom bruă, tơring čar hơduah ĕp jơlan hơdră ngă klă hloh mă yua prăk tuh pơ alin kơ bruă čar.

Mông jơnum abih bang amăng kơnuk kơna dêh čar

 Kơnang kơ bruă ngă tui hăng tơlơi git gai, pơčrâo ba, pel ĕp, krăo lăng phrâo anai mơ̆ng grup mă bruă hơmâo pơtong glăi, pơblang tong ten phun ñu yua hơgĕt rơnoh prăk lu tuh pơ alin pok pơhai rŭ glăi bơwih ƀong huă hăng pơđĭ kyar sĭ mơdrô kaih hĭ. Khua dêh čar brơi hơduah ĕp tong ten phun tơdŭ ñu yua hơgĕt, tơlơi ngă amưng hă, ƀudah yua mơ̆ng tơlơi pơtrun, tơlơi dưi, bruă ngă anun mơ̆ng pô hlơi, yua Kơnuk kơna dêh čar lĕ kơnuk kơna khom ngă, tơdah yua kơ ding jum pơpă ding jum anun khom ngă.

Nay Jek: Pơblang