VOV4.Jarai - Kơ-iăng khua dêh čar ơi Lê Minh Khái hơmâo kĭ tơlơi pơtrun mrô 260 mă yua ƀu kiăng tla glăi 1.868 tơ̆n braih mơng gơnam djă pioh dêh čar brơi hơdôm tơring čar: Nghệ An, Dak Lak, Gia Lai kiăng kơ djru brơi mơnuih ƀon sang bơbeč mơng klin Covid-19 (tal dua). Sit biă ñu, tơring čar Nghệ An tŭ mă rơbêh 700 tơ̆n braih, Dak Lak 1.014 tơ̆n braih; Gia Lai 153 tơ̆n braih. Kơ-iăng khua dêh čar rơkâo Ding jum bruă mă, tơhan rơka hăng mơnuih mơnam, Ding jum prăk kak ngă tui djơ̆ tơlơi pơkă; djru brơi djơ̆ mơnuih, djơ̆ hăng mrô lăi pơthâo. Jơnum min mơnuih ƀon sang hơdôm tơring čar: Nghệ An, Dak Lak, Gia Lai glăm ba brơi kơ djơ̆ hăng mrô jŭ yap hăng pơphun djru brơi hmao tlôn, djơ̆ mơnuih, tui tơlơi pơkă laih dong djơ̆ hăng bruă pơgang klin ƀơi ƀon lan.

Siu Đoan: Pơblang