VOV4.Jarai - Lơ 16/2, ƀơi sang bruă Kơnuk kơna, Khua dêh čar ơi Phạm Minh Chính git gai jơnum Kơnuk kơna bruă čih pơkra tơlơi phiăn blan 2/2022. Pơhiăp ƀơi mông jơnum, Khua dêh čar ơi Phạm Minh Chính lăi rơđah, mông jơnum anai, Kơnuk kơna pơčrông sai ngă pơgiong hĭ hơdôm Tơlơi phiăn, tơlơi anai hơmâo amăng jơlan ngă bruă prong mơng Ping gah, ngă tui Tơlơi pơtrun Jơnum Ping gah dêh čar tal 13, hơmâo pơsit rơđah pơhlôm tuh pơ plai prăk kăk kơ bruă akŏ pơdong 3 tơlơi pơplih prong yôm, amăng anun hơmâo tơlơi pơplih prong gah tơlơi phiăn. Yua hnun, ƀing ta kiăng pơphun na nao bruă jơnum, bơkơtuai nao rai pơhmư̆ tơlơi pơgôp hiăp mơng ƀing kơhnâo, mơnuih apăn bruă, mơnuih wai lăng đah mơng čih pơkra tơlơi phiăn, amăng anun hơmâo tơlơi dưi pơsit mơng djŏp gưl.

Mông jơnum

Anŏ hơget gah bruă dưi ngă mơng Ding jum kơđi čar, Ƀirô khua pơ ala mơnuih ƀon sang dêh čar lĕ ƀing ta khŏm prăp lui klă, djơ̆ tơlơi pơkôl pơkă. Khua dêh čar kiăng ƀing Khua ding jum, anom bruă khŏm nao git gai, pơtô brơi bruă čih pơkra tơlơi phiăn, wơ̆t hăng Tơlơi phiăn bơdjơ̆ nao bruă mă mơng gơñu, čih hơdôm tơlơi pơtrun, tơlơi pơkôl pơkă.

Siu H’Mai: Pơblang