Pơgôp hiăp amăng črăn tơlơi phiăn čih pơkra, pơhrua sa, dua črăn amăng tơlơi phiăn hră pơ-ar čih pioh bruă ngă soh tơlơi phiăn, Khua dêh čar ơi Phạm Minh Chính brơi thâo, črăn tơlơi phiăn pơkă hơdai nao Ding jum kông ang wai lăng kơ hră pơ-ar čih bruă bruă ngă soh tơlơi phăn lĕ bruă ngă kiăng hrŏ ƀiă hră pơ-ar, plai ƀiă anih dong tong krah brơi mơnuih ƀôn sang, anom bơwih ƀong sĭ mơdrô, hơdôm anom bruă, pơphun ngă hơbot anih anom, ngă klă bruă mă, tŭ yua.

Khua dêh čar rơkâo Ding jum kông ang tŏ tui sem lăng hơdôm tơlơi pơkă mơng jar kmar, mơng ƀing rơgơi kơhnâo, ƀing bơdjơ̆ nao kiăng pơgiong črăn tơlơi phiăn, pơhlôm ngă tui lơm ba tơbiă. Amăng mông jơnum, ƀing ding kơna Kơnuk kơna pơgôp hiăp amăng črăn tơlơi phiăn pơtô pơjuăt sang hră gưl prong (pơplih hĭ); črăn tơlơi phiăn pơtô bruă mă (pơplih hĭ); črăn tơlơi phiăn mă tơlơi pơhing (pơplih hĭ) hăng rơkâo kơnuk kơna kơ Jơlan hơdră čih pơkra tơlơi phiăn thun 2026.