VOV4.Jarai - Tlam lơ 14/4, Khua mir sir ơi Nguyễn Xuân Phúc hơmâo nao lăng mông kĭ tơlơi pơkôl kơplah wah anom bruă khua mir sir hăng sang phat kơđi, anom bruă pơsir kơđi tơlơi. Đĭ pơhiăp amăng mông kĭ pơkôl, Khua mir sir ơi Nguyễn Xuân Phúc lăng yôm, rơwang mă bruă laih rơgao, bruă gum hrŏm kơplah wah anom bruă khua mir sir hăng Sang phat kơđi, anom bruă pơsir kơđi tơlơi hăng hơdôm anom bruă phaih phiăn lêng kơ mă bruă kjăp, ba glăi boh than yôm phăn.

Khua mir sir ơi Nguyễn Xuân Phúc nao lăng mông kĭ pơkôl

Mơng anun, pơgôp pơhlôm ngă tui klă hơdôm bruă jao mơng rĭm boh anom bruă. Khua mir sir ơi Nguyễn Xuân Phúc rơkâo Anom pơphun bruă dêh čar, Sang phat kơđi, anom bruă pơsir kơđi tơlơi, Ding jum kông ang, Jơnum min phaih phiăn mơng Ƀirô Khua pơ ala mơnuih ƀon sang dêh čar hăng anom bruă khua mir sir kiăng gum hrŏm kjăp, na nao hăng tŭ yua hloh. Khua mir sir rơkâo hơdôm hră pơkôl hơmâo kĭ tal anai kiăng pok pơhai ngă dơlăm, djop mơta hăng pơphun ngă tui kut khăt mơng khua mua truh pơ ƀing apăn bruă, biă mă ñu lĕ ƀong apăn bruă arăng jao ngă bruă.

Siu Đoan: Pơblang