Kual giăm guai kơplah wah tơring čar Gia Lai hăng hơdôm boh tơring čar glông giăm 418 km, anai lĕ kual čư̆ siăng kriang pơtâo. Tơdơi kơ 8 thun kĭ tơlơi pơkôl gum hrŏm, anom bruă bơdjơ̆ nao hơmâo pơphun rơbêh 1.800 wŏt hyu tir, ĕp ƀuh 565 bruă ngă soh bơdjơ̆ nao tơlơi phiăn wai lăng glai rưng. Đơ đam glai rưng arăng phă rơbêh 45.000 met karê, pơhrui glăi rơbêh 600 met khối hăng prăk phak rơbêh 2 klai prăk. Kual giăm guai kơplah wah tơring glông Krông Pa, Sông Hinh hăng Krông Năng lĕ anih juăt ƀuh mơnuih phă glai kyâo, sit biă ñu kual glai rưng Ea Sô.
Amăng mông jơnum, ƀing khua mua brơi thâo, ba truh kơ bruă phă glai lĕ yua hơdră wai lăng aka ƀu tong ten, bruă pơsir aka ƀu khut khăt, mơnuih wai lăng glai aka ƀu gơgrong hloh. Bruă wai lăng glai rưng dŏ lu tơlơi lông, djop ƀon lan, gơnong bruă kiăng tŏ ngă tui tơlơi črâo trun, tơlơi pơsit mơng Ping gah hăng Kơnuk kơna, gum hrŏm kjăp ƀiă dong hăng ngă tui ha amăng plĕ hơdôm hơdră bruă.
Viết bình luận