VOV4.Jarai - Lơ 6/5, ƀơi tơring čar Bến Tre, Jơnum min mơnuih mơnam mơng Ƀirô khua git gai pơ ala mơnuih ƀon sang dêh čar ngă hrŏm hăng Khul khua pơ ala mơnuih ƀon sang ƀơi tơring čar Bến Tre pơphun jơnum lăi nao bruă djru kơ mơnuih mă bruă, mơnuih apah arăng mă bruă ƀơi kual Dơnung tơnap tap yua klin Covid-19 ngă. Hăng kual Dơnung dêh čar, hơmâo laih rơbêh 2 klăk 500 rơbâo čô mơnuih djru hơkrŭ lŏn ia đưm, sang anŏ rin, giăm rin hơmâo mă prăk djru hăng mrô rơbêh 2.660 klai. Amăng thun laih rơgao, yua klin kheng hpwđuh kơtang, hơdôm boh tơring ƀơi kual Dơnung hơmâo prăk djru ba lu biă, hơmâo 78,4% pơhmu hăng mrô prăk djru amăng đơ đam dêh čar. Pơhiăp ƀơi mông jơnum, ƀing khua lăi, hơdră djru yua Kơnuk kơna pơtrun hmao tlôn, kiăo tui tơlơi tơnap tap mơnuih ƀon sang amăng mông hơmâo klin Covid-19, thâo hluh tơlơi tơnap tap mơng mơnuih ƀon sang, anom bơwih ƀong, biă ñu lĕ amăng tal 4 klin hơđuh glăi. Hơdôm boh tơring gah kual Dơnung gir abih blan 6 thun anai ngă pơgiong abih hră pơ-ar djru; rơkâo đĭ tơlơi djru phrâo, hơdră djru brơi mơnuih ƀon sang tơnap tap./.

Siu H’Mai: Pơblang