VOV4.Jarai - Tlam lơ 17/1, Khua čih pioh Khua pơ ala mơnuih ƀon sang dêh čar ơi Bùi Văn Cường git gai mông jơnum hăng ƀing mă tơlơi pơhing phrâo lăi pơthâo 4 tơlơi pơtrun hơmâo Khua mua pơ ala mơnuih ƀon sang dêh čar tŭ yap mă yua amăng mông jơnum ƀu tui tơđar tal blung a, Khua pơ ala mơnuih ƀon sang dêh čar tal 15. Anai lĕ tơlơi pơtrun mrô 43 kơ bruă mă yua ngăn drăp, prăk kak djru amăng Jơlan hơdră hơkrŭ glăi hăng pơđĭ kyar bơwih ƀong huă - mơnuih mơnam ba tơbiă hơdôm hơdră djru kiăng kơ klă dong amăng pơgang klin Covid-19, hơkrŭ glăi hăng pơđĭ kyar bơwih ƀong huă-mơnuih mơnam; Tơlơi pơtrun mrô 44, kơ hơdră tuh pơ alin akŏ bruă man pơkra jơlan rơdêh đuăi hmar Kơdư-Dơnung gah Ngŏ rơwang thun 2021-2025; Tơlơi pơtrun mrô 45 ngă tui lông lăng hơdôm hơdră bruă phun amăng pơđĭ kyar ƀôn prong Cần Thơ hăng Tơlơi pơtrun mrô 46 mơng jơnum ƀut tui tơđar tal blung a, Khua pơ ala mơnuih ƀon sang dêh čar tal 15 hơmâo pơtrun kiăng ječ ameč, gơgrong git gai khut khăt pơphun ngă tŭ yua Jơlan hơdră pơgang klin Covid-19 (2022-2023).

Siu Đoan: Pơblang