Tui hăng anun, akŏ bruă anai tuh pơ alin čuk jơlan glông ataih 144 km,đĭ tui 8 km pơkă hăng rơnoh jŭ yap hnang blung yua kơ lŏn glai čư̆ siăng tơnap tap ƀơi jơlan čun čue Violăk hăng jơlan čun čue Măng Đen. Anih phun Km0+000 tơkuh hăng jơlan rơdêh đuăi hmar Kơdư-Dơnung gah ngŏ ƀơi tơring glông Đức Phổ, tơrin čar Quảng Ngãi laih anun anih tơkuh ƀơi rơnuč lĕ hăng jơlan rơdêh đuăi hmar Kơdư-Dơnung ƀơi Lŏn Dap Kơdư, gah yŭ plơi prong Kon Tum, tơring čar Kon Tum.

Jơlan anai čuk prong păng djop 4 boh rơdêh nao sa amăng plĕ, rơdêh đuăi hmar truh 100 km sa mông. Rơnoh prăk tuh pơ alin năng ai 44.300 klai prăk. Amăng anun, tơring čar lĕ glăm ba bruă yua prăk pioh duh glăi gơnam tam, lŏn sang mơnuih ƀôn sang djơ̆ hĭ anăp jơlan čuk nao; prăk dêh čar djru man pơkra, dưm truă hăng prăk čuk jơlan. Ding jum man pơdong pok pơhai bruă anai mơ̆ng rơnuč thun 2025 anai, truh rơnuč thun 2026 tơgŭ mă bruă čuk pơkra, kiăng jơlan anai amra giong amăng blan 12/2029.