Kơpal rơbêh kơ 600 plăng hla pơ-ar, hơdrôm hră lĕ tơlơi tum pơƀut glăi hăng ruah mă lu tơlơi čih, tơlơi pơtưh, lu hră pơ-ar pơdah pran jua pơpŭ hăng Khua git gai Ping gah dêh čar ta ơi Nguyễn Phú Trọng mơ̆ng lu mơnuih amăng lŏn ia hăng gơyut gơyâo jar kơmar amăng hơdôm plăng čih tơlơi pơhing, face book.

Hơdrôm hră hmâo 3 črăn: Črăn 1 – Kơjăp đăo gơnang kơ tơlơi git gai, črâo ba mơ̆ng Khua git gai Ping gah; Črăn 2 – Pran jua mơ̆ng mơnuih ƀôn sang amăng lŏn ia pioh kơ Khua git gai Ping gah hăng črăn 3 – Tơlơi dŏng yua mơ̆ng gơyut gơyâo jar kơmar. Amăng hơdrôm hră, hrŏm hăng hơdôm tơlơi čih kơ pran jua pô git gai, jing hơdôm tơlơi čih lăi pơthâo pran jua tơpă sit, thâo lăng yôm mơ̆ng Khua git gai Ping gah pioh mơnuih ƀôn sang, hrŏm hăng anun, gơyut gơyâo hăng wot lom pơsir mơnuih apăn bruă ngă soh phiăn. Amăng hơdôm rơtuh mơta tơlơi čih, tơlơi pơtưh tui anun, ƀing thâo hră, mơnuih kơsem min, ƀing thâo čih bôh pia, mơnuih apăn bruă, mơnuih ping gah, mơnuih mă bruă hmâo pơdah laih tơlơi pơpŭ hăng pran jua tơpă sit hloh pioh kơ khua git gai dlông hloh mơ̆ng Ping gah ta./.