Tui hăng hră pơsit mơ̆ng Khua Gong phun jua pơhiăp Việt Nam, Đỗ Tiến Sí hơmâo kĭ pơtrun, pơhrua bruă, pơblih khua mua hơmâo pơđĭ bruă kơ Lê Hải Sơn, Kơ-iăng Khua Gong phun jua pơhiăp Việt Nam ƀơi kual Tong krah glăi ngă Khua Gong phun jua pơhiăp Việt Nam ƀơi kual Dap Kơdư; pơđĭ bruă kơ Hà Mạnh Thắng, mơ̆ng anom bruă pơtom hiăp jar kmar Gong phun jua pơhiăp Việt Nam glăi ngă Kơ-iăng Khua Gong phun jua pơhiăp Việt Nam ƀơi kual Dap Kơdư.

Laih jao hră pơđĭ bruă, Kơ-iăng Khua Gong phun jua pơhiăp Việt Nam, Trần Minh Hùng rơkâo, ƀing khua mua kah hăng Lê Hải Sơn, Hà Mạnh Thắng gir run hloh amăng bruă mă phrâo, ba yua tơlơi thâo thăi găn rơgao laih mơ̆ng gơñu kiăng ngă pơgiong bruă jao klă hloh, akŏ pơdong Gong phun jua pơhiăp Việt Nam ƀơi kual Dap Kơdư thâo gum pơgôp, kjăp kơtang hlom bom.