VOV4.Jarai - Mơguah lơ 12/1, Ding jum ling tơhan pơphun jơnum lăng nao rai mơng ataih lăng glăi lơ̆m ngă tui akŏ bruă “Kơtưn lăi pơthâo, pơtô hrăm tơlơi phiăn brơi mơnuih apăn bruă, mơnuih ƀon sang kual giăm guai, bul pơtâo thun 2017-2021” mơng 46 anih pơlăng  nao rai hăng rơbêh 1.500 čô mơnuih hrăm ƀơi anom bruă git gai ling tơhan wai pơgang guai, tơhan sơlup hăng hơdôm tơring čar giăm guai lŏn ia.

Ƀing khua mua hrăm lăng nao rai tŭ ư anai lĕ sa akŏ bruă prong, kiăng rang kơđiăng ngă tui hơdôm tơlơi phiăn mơng mơnuih ƀon sang kual giăm guai lŏn ia, bul pơtâo, ngă tui hơdôm hơdră mơng Ping gah hăng Kơnuk kơna amăng pơjing kual giăm guai lŏn ia, pơjing bruă wai pơgang amăng abih bang mơnuih pơlir hăng bruă pơhlôm hơđong tơlơi hơdip mơnuih ƀon sang hơđong kjăp. Amăng 2 thun laih rơgao, hăng pran gơgrong “Pơgang klin kar hăng blah ayăt”, ling tơhan wai pơgang guai lŏn ia hơmâo ngă pơgiong ha amăng plĕ bruă jao, pơgang hơđong, rơnuk rơnua lŏn ia, hăng pơgang klin Covid-19 hŭi kơ lar hyu ƀơi kual giăm guai lŏn ia, pơgang brơi tơlơi suaih pral kơ mơnuih ƀon sang, mơng anun pơhlôm hơđong kơ dêh čar ta.

Siu Đoan: Pơblang