Tui hăng anun, tơlơi phiăn ngă tui hơmâo Tơlơi phiăn pơkă mrô rajio čih pơkra glăi pơhrua dơ̆ng hơdôm mơta tơlơi; Tơlơi phiăn ngă tui tơlơi dưi mơnuih ƀôn sang ƀơi plơi pla; Tơlơi phiăn Ia jâo; Tơlơi phiăn pơhlôm, pơgang tơlơi taih amang amăng sang anŏ; Tơlơi phiăn Hơduah ĕp tơlơi soh bruă mă hăng Tơlơi phiăn pơhlôm, pơgang rao prăk.

Ƀơi mông jơnum lăi pơthâo, lăi glăi tơlơi tơña mơ̆ng ƀing čih tơlơi pơhing phâo kơ Tơlơi phiăn hơduah ĕp tơlơi soh bruă mă phrâo, dưi pơsir mơ̆n hă bruă ngă kaih hră pơar pơtrun giong hơduah ĕp ƀuh tơlơi soh? Tơdah ăt dŏ kaih lĕ hlơi pô glăm ba? Ơi Trần Ngọc Liêm, Kơ-iăng Khua anom bruă hơduah ĕp tơlơi soh bruă mă kơnuk kơna dêh čar lăi, sit tơlơi phiăn anai dưi ngă tui mơtam hăng anăp nao sit mơ̆n amra plai ƀiă yơh anŏ kơƀah kaih ngă tui hră klah čun laih hăng anăp nao mă bruă ƀu sui, kaih dơ̆ng tah.