VOV4.Jarai-Amăng 4 hrơi pơdơi lơ 2/9 hrơi akŏ pơdong kơnuk kơna lŏn ia, plơi prong Đà Lạt, tơring čar Lâm Đồng hơmâo čơkă 85 rơbâo čô tuai hyu ngui nao pơ Đà Lạt –Lâm Đồng hyu ngui hăng pơdơi pơdă ƀrô hrơi mơak tal anai, hơmâo 1.500 wơ̆t tuai jar kmar, 13.500 čô tuai amăng dêh čar, amăng anun 60 rơbâo wơ̆t tuai dŏ glăi mơmŏt mlam. Yua tuai dŏ glăi ƀiă, anun yơh lu sang jưh tuai kơnong mă yua abih 65% đôč. Amăng hơdôm hrơi pơdơi, Đà Lạt-Lâm Đồng ƀu hơmâo tơlơi gun rơdêh kơđông kơniă jơlan sui ôh amăng lăm plơi prong.

Tuai nao pơ Đà Lạt ƀu lu ôh anun jơlan nao rai hluai, huăi kơniă lơ̆m hyu ngui mơmŏt

mlam kah hăng hlâo kơ anun

Djop bruă tuai hyu ngui, anih anom ƀong huă, ngui ngor, anih hyu ĕp lăng mă bruă hruaih đôč, huăi kơniă ôh. Tui hăng gơnong bruă Gru grua, Pơrơguăt drơi jăn hăng Tuai čuă ngui Lâm Đồng lăi, tuai nao pơ Lâm Đồng ƀu lu lĕ, yua hơdôm hrơi pơdơi djơ̆ amăng hrơi kom. 8 blan akŏ thun anai,  mrô tuai nao pơ Đà Lạt-Lâm Đồng rơbêh 5 klăk wơ̆t laih, đĭ tui 153% pơkă hăng tal anai mơ̆n thun hlâo.

Nay Jek: Pơblang