VOV4.Jarai - Tui hăng tơlơi lăi pơthâo glăi mơng Gơnong bruă bôh thâo, bơkơjăp drơi jăn hăng tuai čuă ngui tơring čar Lâm Đồng, amăng tal Tết tui phiăn juăt Nhâm Dần 2022 (mơng lơ 29/12 truh lơ 6/1 blan di tết), Lâm Đồng čơkă hmâo rơbêh kơ 300 rơbâo wot čô tuai nao čuă ngui bơyan bơnga, pơdơi pơdă, đĭ rơbêh kơ 566% wot čô tuai bơhmu hăng tal tết tui phiăn juăt Tân Sửu 2021. Amăng anun, tuai dô̆ glăi yap him lăng 120.000 wot čô tuai hăng tuai mơng dêh čar tač rơngiao 1.900 wot, biă ñu ƀơi plơi prong Đà Lạt. Mrô tuai lu hloh lĕ amăng lơ 2 truh lơ 6 tết, lom lu ñu hơdôm anih anom dô̆ glăi ƀơi anai leng kơ hmâo rơbêh kơ 95% mrô anih pơdơi. Tuai đĭ lu ƀu hmâo thâo, djơ̆ anô̆ ñu ƀu hmâo anih pioh kơ tuai, nua đĭ mơng 30 truh 40% bơhmu hăng hơdôm hrơi tơđar samơ̆ anô̆ klă bruă čơkă tuai leng kơ pơhlôm. Anai lĕ gru nam klă kiăng gơnong bruă tuai čuă ngui mơng tơring čar djơ̆ rơnoh đĭ lu amăng tơlơi hơđong phrâo./.

Siu H’ Prăk: Pơblang