VOV4.Jarai - Mơguah lơ 29/8, ƀơi plơi prong Đà Lạt, Khul pơsur hrăm hră Lâm Đồng hăng Khul đăo phơt Việt Nam hơmâo pơphun mông jao prăk djru hrăm hră hăng ƀơk gơnam brơi ƀing čơđai sang anŏ ƀun rin ƀrô hrơi pơphun mut sang hră thun hrăm 2022-2023.

Jao prăk djru hrăm hră brơi čơđai sang hră ƀun rin gir hrăm hră

Rơngiao kơ 50 anung prăk djru brơi rĭm čô mơnuih 1 klăk prăk hơmâo jao brơi ƀing čơđai sang anŏ ƀun rin gir hrăm hră ƀơi plơi prong Đà Lạt hăng tơring glông Lạc Dương, Khul pơsur hrăm hră Lâm Đồng hăng Khul đăo phơt Việt Nam ăt jao 200 anung gơnam hơmâo prăk hăng hơdôm gơnam yua pơkŏn brơi kơ ƀing čơđai, mơnuih drơi jăn ƀu klă hiam, ƀing bum mơta, sang anŏ tơnap tap. Amăng anun, 50 anung gơnong brơi mơnuih djuai anai ƀiă sang anŏ ƀun rin ƀơi să Phi Liêng, tơring glông Đam Rông, tơring čar Lâm Đồng. Anai lĕ mrô prăk yua ƀing mơnuih čơmah gum pơgôp djru brơi.

Siu Đoan: Pơblang