Tal pơplông abih anih 12 thun anai, tơring čar Lâm Đồng hơmâo rơbêh 14.600 čô čơđai. Hrŏm hăng 39 anih pơplông, 670 boh sang hră ƀơi 12 boh tơring glông, plơi prong amăng tơring čar, tơring čar Lâm Đồng ăt prăp lui djŏp gơnam yua, măi mok, mơnuih wai lăng gum djru hơmâo rơbêh 2.600 čô. Kiăng hrơi pơplông rơnuk rơnua, lơ 27/6, Jơnum min mơnuih ƀôn sang tơring čar Lâm Đồng hơmâo mơ-it hră ječ git gai Gơnong bruă pơtô hăng pơjuăt, Jơnum min mơnuih ƀôn sang hơdôm boh tơring glông, plơi prong hăng hơdôm anom apăn bruă git gai prăp lui djŏp mơta. Amăng anun, khut khăt ƀu brơi čơđai lui nao pơplông yua sang anŏ tơnap ƀudah ƀu hơmâo rơdêh nao, biă ñu lĕ čơđai dŏ plơi pla ataih, čơđai djuai ania ƀiă, ană bă sang anŏ rin.