Lâm Đồng khut khăt dưm dăp glăi plơi pla, hrŏ ƀiă anih wai lăng ƀơi ƀon lan
Thứ ba, 10:35, 23/06/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ngă tui tơlơi črâo trun ngă hơbot anih anom, djop ƀon lan amăng tơring čar Lâm Đồng glăk ječ ameč pok pơhai akŏ bruă dưm dăp, pơmut hrŏm plơi pla tui jơlan gah pơhrŏ rơbêh 50% mrô anih wai lăng ƀơi ƀon lan.
Bruă ngă tui hơmâo pơphun tong ten, ngă pô, tui jơlan gah hrưn đĭ tŭ yua amăng wai lăng hăng mă yua klă hơdôm ngăn rơnoh. Tui pel ĕp mơng tơring čar Lâm Đồng, ră anai đơ đam tơring čar hơmâo 2.773 boh plơi pla. Ngă tui tơlơi git gai mơng Ping gah tơring čar, djop ƀon lan glăk pơgiong akŏ bruă kiăng pơhrŏ trun mơng 50% mrô plơi pla pơ glông tơdơi kơ pơmut hrŏm.
Mơng tơlơi mut hrŏm mơng mơnuih ƀôn sang hăng tơlơi gir run mơng gong gai ƀon lan, bruă dưm dăp plơi pla glăk ƀơƀrư̆ ngă atur kiăng hrưn đĭ klă amăng wai lăng, djru brơi mơnuih ƀôn sang klă ƀiă, lăp djơ̆ hăng tơlơi rơkâo pơđĭ kyar amăng rơwang phrâo.
Viết bình luận