Akŏ bruă pơkra ming, pok prong jơlan kơčep Prenn Đà Lạt lĕ ring bruă jơlan glông gưl II kual čư̆ siăng, glông 7,4 km, hơmâo 4 bơnah, jơlan prong 15,5 met hăng jơlan rơdêh đuăi prong 14,5 met, prong dua wŏt pơhmu hăng jơlan kơčep ră anai. Rok jơlan hơmâo 4 anih dŏ rơdêh hăng 2 anih dŏ lăng anŏ hiam mơng glai čư̆. Ring bruă hơmâo abih tih prăk tuh pơ alin lĕ 533 klai prăk mơng ngăn drăp tơring čar. Hrơi mông ngă tui lĕ 11 blan, pơgiong hlâo lơ lơ 31/12/2023.

Đĭ pơhiăp amăng mông pơphun, ơi Trần Văn Hiệp, Khua Jơnum min mơnuih ƀon sang tơring čar Lâm Đồng brơi thâo, bruă tuh pơ alin pơkra ming jơlan kơčep Prenn lĕ kiăng biă mă, ječ ameč hăng yôm phăn biă, kiăng hơmâo jơlan prong rơhaih amăng tơring čar Lâm Đồng; rơkâo pơphun man pơkra, kiăo tui lăng ring bruă pơhlôm brơi kjăp, pơhlôm lơ̆m man pơkra hăng wai pơgang anih dŏ hơdip jum dar. Hơdôm gơnong bruă, anom bruă bơdjơ̆ nao amăng tơring čar djru, ngă gêh gal kiăng pok pơhai man pơkra djơ̆ hrơi mông.