VOV4.Jarai-Mơguah lơ 12/8, ƀơi să Phú Hội, tơring glông Đức Trọng, Lâm Đồng, Khul git gai pơhlôm, pơgang tơlơi soh sat, črih čruai mơnuih mơnam hăng akŏ pơjing bruă mă jak iâu mơnuih ƀôn sang gum hrom pơgang tơlơi rơnuk rơnua dêh čar tơring čar Lâm Đồng pơphun, Hrơi mơak abih bang mơnuih ƀôn sang ngă hrom pơgang Lŏn ia thun 2022. Ơi Lê Tiến Châu, ding kơna ping gah dêh čar, Kơ-iăng Khua jơnum min–Khua čih pioh Jơnum min djop djuai ania mơnuih mơnam Việt Nam nao jơnum hrom.

Mông jơnum abih bang hrơi mơak

Să Phú Hội, tơring glông Đức Trọng hơmâo giăm 5.400 boh sang anŏ. Hơdôm thun rơgao, Phú Hội ƀu pơdơi ôh man pơdong hăng ngă kjăp bruă wai lăng mă tơlơi rơnuk rơnua plơi pla, ala ƀôn, mơ̆ng anun djru hrom yôm biă mă pơgang tơlơi rơnuk rơnua kơđi čar hăng rơnuk rơnua mơnuih mơnam, plơi pla anun hơmâo anih dŏ rơnuk rơnua mơak klă.

Ƀơk gơnam kơ hơdôm sang anŏ mơnuih ƀôn sang djru klă hloh amăng bruă mơnuih ƀôn sang gum hrom pơgang rơnuk rơnua dêh čar ƀơi să

Nao jơnum hrom hăng đĭ pơhiăp git gai, ơi  Lê Tiến Châu, Kơ-iăng Khua anom bruă djop djuai ania mơnuih mơnam Việt Nam čih pioh, bơni kơ boh tơhnal mơ̆ să Phú Hội dưi ngă amăng bruă mơnuih ƀôn sang djru hrom pơgang lŏn ia, laih dơ̆ng ăt pơtă pơtăn pơ anăp adih pơplih phrâo hơdră pơgang rơnuk rơnua dêh čar hăng pơphun bruă mă man pơdong plơi pla, mơnuih ngă hrom pơgang rơnuk rơnua dêh čar.

Nay Jek:  Pơblang