VOV4.Jarai - Mơng thun 2018 truh ră ania, anom bruă bơdjơ̆ nao amăng tơring čar Lâm Đồng ƀuh hăng ngă hră pơ-ar pơsir hĭ rơbêh 1.000 wŏt bruă phă glai, hăng đơ đam lŏn glai arăng phă lĕ rơbêh 223 ektar. Kơnong ha mơkrah thun 2022, hơmâo laih 80 wŏt, kual lŏn glai arăng phă pơrai đĭ giăm 30% pơhmu hăng thun 2021. Tui gơnong bruă ngă hmua hăng pơđĭ kyar ƀon lan tơring čar Lâm Đồng, lu lŏn glai arăng phă pơrai lơ̆m jao brơi hơdôm anom bruă samơ̆ ƀu pơphun ngă tui akŏ bruă, ƀudah hơmâo pok pơhai samơ̆ kaih, ƀu pơkiăo nao tơhan wai lăng.

Bruă phă pơrai glai kyâo prong hloh ƀuh ƀơi Đà Lạt - Lâm Đồng

Tơring čar hơmâo pơhrui glăi 208 akŏ bruă mơng hơdôm anom bruă hăng abih tih rơbêh 30.000 ektar. Laih dong, kơsem min, mă yua boh thâo phrâo amăng wai lăng, hrưn đĭ klă dong amăng wai lăng glai rưng mơng hơdôm anom bruă amăng tơring čar. Ơi Ngô Văn Ninh, Khua anom bruă, pô pơtruh hiăp mơng Jơnum min mơnuih ƀon sang tơring čar Lâm Đồng brơi thâo, tơring čar glăk ngă tui ha amăng plĕ lu hơdră bruă prong, kjăp amăng wai lăng glai rưng.

Siu Đoan: Pơblang