Ƀơi kual plơi Knơ̆ 5, să Dam Rông 4, lu anih lŏn čơđang či tơhroh trun mơ̆ng kriăng čư̆, jum dar plơi pla, pơhŭi kơ rơbêh 60 boh sang anŏ mơnuih ƀôn sang. Jơlan prong phun 28, črăn găn nao pơ čư̆ čun čue Gia Bắc, hơdôm rơtuh met khô̆i lŏn pơtâo tơhlŏm trun ƀơi jơlan, ngă kơđông hĭ jơlan rô nao rai.

Ƀơi anăp kơ tơlơi truh djơh hăng anai, djop sang bruă tañ nao ĕp lăng, jŭ yap glăi tong ten, tơlơi či truh pơ anăp hăng hơmâo hơdră pơhlom hlâo lăp pơgang tơlơi sat răm amăng bơyan hlim, ia ling dăo ngă, sem lăng abih bang ia dơnao pơkong hăng prăp rơmet djop mơnuih, gơnam yua mă bruă póỉ mơtam 4 mơta bruă sa anih tơdah hơmâo. Gong gai kơnuk kơna ƀơi să ăt djru hrŏm hlă gai pơthâo brơi mơnuih rô nao rai thâo krăn anih hŭi rơhyưt, hơmâo hơdră prăp lui či pơdŭ đuăi mơnuih ƀôn sang tơbiă mơ̆ng anih hŭi rơhyưt laih anun pơkơjăp glăi ring bruă man kriăng taluy kơjăp, pơgăn lŏn tơhlŏm, đah mơ̆ng plai ƀiă răm ƀăm kơ mơnuih hăng kông ngăn ană plơi pla.